قصيدة اتعبني غيابك

شفت الحطب لاضمته لهفة النار..!
هذي انا والشوق لحظة غيابك
وشفت الصحاري كيف تتحرّا الأمطار..!
تشبه شعوري يوم ينطر سحابك
وشفت المسا وشلون تغريه الانوار..!
هذي عيوني ..طيف حضرة جنابك
اتعبني غيابك وانا اخلقلك اعذار
وأصبحت من شوقي اطارد سرابك
ارحم عيون (ن) منّها نومها طار
وهي تراقب كل درب(ن) لفابك
تبكي بعادك...دمعها اليوم مدرار
تشرب من غيابك مرارة عذابك
هذي احاسيسي اكاليل نوّار
تنثر عطرها في ثنايا رحابك
تكفى رجيتك والمشاعر بي ازهار
اخاف تذبل من هجير(ن)غدابك
وتحرقني اشواقي بلا سابق انذار
وتنثرهشيمي في متاهة غيابك .



منقول.....